უსაფრთხოების ნორმების ზედმიწევნით დაცვით, პორტები მნიშვნელოვან როლს ასრულებენ მიწოდების ჯაჭვის მართვაში ეროვნულ და  არა მარტო ეროვნულ ეკონომიკაში, ტრანსპორტირებისა და სერვისების მეშვეობით. ევროპაში 1200-ზე მეტი პორტი ფუნქციონირებს, რომლებიც ჯამურად 2,5 მილიონ სამუშაო ადგილს ჰქმნიან. საზღვაო ტრანსპორტი, ევროკავშირის მასშტაბით CO2 ემისიების 3-4%-ს წარმოქმნის, ხოლო 6-7% წარმოიქმნება ნავმისადგომებზე, რასაც ემატება “გამწვანების” ცოდნის, უნარებისა და კომპეტენციების ნაკლებობა.

BLUE PORTS მზად არის ევროპული პორტების წინაშე მდგარ გამოწვევებთან შესახვედრად, რათა ეფექტურად შეამციროს მათი გარემოზე ზემოქმედება, პორტების ადამიანური კაპიტალისთვის კვალიფიკაციის ამაღლების  შესაძლებლობების ზრდით.

BLUE PORTS ეროვნული ტექნიკური კომიტეტები, პორტის ეკოსისტემის დაინტერესებულ მხარეებთან  თანამშრომლობას და მათთან  სტრუქტურირებულ  კონსულტაციას ემსახურებიან. კომიტეტები, BLUE PORTS სერტიფიცირების სქემის სანდოობის ჩამოყალიბებას ისახავენ მიზნად. ისინი აერთიანებენ ღირებულების ჯაჭვის წარმომადგენლებს, მათ შორის დამსაქმებლებსა და თანამშრომლებს, სერტიფიცირების/ტრენინგის პროვაიდერებს, საბოლოო მომხმარებლებს, კომპეტენტურ ორგანოებსა და სოციალურ პარტნიორებს.

მათი კრიტიკული როლი BLUE PORTS სქემის განსაზღვრაში შემდეგია:

– ინდუსტრიის ცოდნისა და გამოცდილების გაზიარება, სექტორის სტრატეგიული პრიორიტეტების, უნარების, ხარვეზებისა და საჭიროებების იდენტიფიცირებაში დახმარება.

– შესაბამისი საკვალიფიკაციო ჩარჩოს ჩამოყალიბებაში მონაწილეობა.

– საპილოტე ტრენინგებისა და BLUE PORTS სქემის ფართოდ დანერგვის ხელშეწყობა.

კრეტას ტექნიკური უნივერსიტეტი

საბერძნეთი